Општината Кисела Вода доби казна од 90 000 евра за непрописно одлагање на отпадот пред депонијата „Дрисла“

July 12, 2023
1 min read

Градоначалникот на Кисела Вода, Орце Ѓорѓиевски, обвинува дека градоначалничката на Град Скопје, Данела Арсовска, вршела силен притисок врз градските инспекциски служби да ги казнат општините

Општина Кисела Вода ќе треба да плати 90 илјади евра за непрописно одлагање отпад пред скопската депонија „Дрисла“. Градоначалникот Орце Ѓорѓиевски вели дека за ваквиот небулозен потег на градоначалничката на Град Скопје, Данела Арсовска, дознал преку медиумите и дополнува дека градските инспекциски служби биле под жесток притисок да ги казнат општините кои пред три дена сами ги чистеа отпадот од улиците и контејнерите, а повеќе детали најави дека ќе соопшти на денешната прес-конференција закажана за во 12 ч.

За потсетување, по комуналниот крах на Скопје поради штрајк на вработени во јавното претпријатие, градоначалниците на ВМРО-ДПМНЕ се самоорганизираа и почнаа со чистење на општините со кои раководат.

Меѓу нив и градоначалникот на Аеродром, Тимчо Муцунски и градоначалникот на Кисела Вода, Орце Ѓорѓиевски, кои со камионите со смет од нивните општини се упатија кон депонијата „Дрисла“ и оттаму преку пренос во живо обвинија дека не им се дозволува да го депонираат ѓубрето.

Градоначалникот Муцунски тврди дека безброј пати го побарал директорот на „Дрисла“, но тој не одговорил на неговите повици.

„Имаме опција ѓубрето да го вратиме во градот Скопје, бидејќи на ниту една општина не и е дозволено ѓубрето да влезе во ’Дрисла’ – депонија за која сите имаме уредни договори. Подготвени сме да платиме, иако немаме обврска за тоа. Помеѓу опцијата да го вратиме ѓубрето во градот и да е предмет на потенцијална зараза, ние одбираме друга опција“,

рече Муцунски во јавување пред капијата на „Дрисла“.

Градоначалникот на Кисела Вода дополни дека повеќе од час и половина не им било дозволено да го депонираат отпадот внатре во „Дрисла“, по што, како што рече тој, на своја одговорност, двајцата градоначалници одлучиле да го истоварат сметот пред депонијата.

„Нашите вработени ќе го одложат ѓубрето овде, пред ’Дрисла’, на цела одговорност на Тимчо и моја лично. Ние стоиме зад ова затоа што не можеме да дозволиме градот и нашите општини да тонат во ѓубре. Жалам што некој нема разумност во овие моменти да ја отвори капијата и да дозволи да влезат камионите и покрај тоа што реагиравме и до Управниот одбор и до директорот. Тие што се одговорни на смена се сокрија, односно добија наредби да не се појавуваат тука, така што ние друга опција немаме“,

кажа Ѓорѓиевски.

ИЗВОР: 360stepeni.mk

MARKETING

MARKETING

Претходно

ЖИВОТОТ НА ОХРИД ПРЕД ВТОРАТА СВЕТСКА ВОЈНА НИЗ ФОТОГРАФИИТЕ НА ЈОНЧЕ ПОП СТЕФАНИЈА, ДЕЛА СО ГОЛЕМА УМЕТНИЧКА И ДОКУМЕНТАРНА ВРЕДНОСТ

Следно

Медведев: Многу е веројатно дека Украина никогаш нема да влезе во НАТО, третата светска војна е сè поблиску

Latest from Blog

Тешко повреден пожарникар вчера во Бразда

Пожарникар на Територијалната противпожарна бригада на Град Скопје се здоби со тешки телесни повреди откако вчера околу 10:10 часот паднал од четирицикл во шумскиот предел „Жејковац“, кај селото Бразда. Според полицијата, 48-годишниот

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни

Алиу – Срцева: На Клиниката за ТОАРИЛУЦ се реализирани или во фаза на реализација над 23 проекти и иницијативи за една година

Министерот за здравство, Азир Алиу денеска ја посети Клиниката за ТОАРИЛУЦ, во рамки на која е во напредна фаза темелна реконструкција на КАРИЛ. -Оваа реконструкција е согласно најсовремените европски и светски стандарди,
Go toTop