Онколошките пациенти повторно се соочуваат со недостиг на дел од таблетите кои ги земаат за борба против ракот. Станува збор за терапијата која според најавите требаше да биде достапна во сите аптеки низ државата за да не мора пациентите да се мачат да доаѓаат до Скопје за да ја подигнат.
Но не само што не е реализирана најавата, тука деновиве дел од таблетите воопшто ги нема. Менаџментот на клиниката за онкологија вели дека проблемот е кај дистрибутерите, но очекува деновиве да пристигнат, по што ќе ги известат пациентите.
ХИБРИД – Д-р Игор Стојковски – Директор на Универзитетска клиника за радиотерапија и онкологија 00.49-01.21
„Тоа се лекови кои треба да се префрлат на позитивната аптекарска листа, Фондот и министерството работат на таа проблематика. Во меѓувреме ниенаправивме нарачка би требало деновиве да се испорачаат од страна на дистрбутерот, едниот е завршен, а другиот ќе го имаме деновиве, но тие се заменливи лекови со тоа што би требало овие денови да го достави дистрибутерот, ќе бидат известени пациентите, тоа е орална терапија, таблетарна“
Во меѓувреме се скенираат условите во регионалните болници за да се види дали ќе може дел од пациентите, да ја примаат онколошката терапија поблиску до местото на живеење, наместо да доаѓаат до Скопје. Но предизвиците ќе бидат големи.. Во штипската болница ќе треба не само адаптација на просторот туку и зајакнување на кадарот бидејќи само еден онколог работи таму.
ХИБРИД – Д-р Игор Стојковски – Директор на Универзитетска клиника за радиотерапија и онкологија 02.31-03.04
„Проблемите се таму и просторни и кадровски. За просторните ни беше покажано од менаџментот на клиникита некои простории кои би можеле за релативно брзо време да се адаптираат, што би биле некој тип на дневна болница за примање терапија, останува пак кадровскиот проблем бидејќи има таму само еден онколог, па пак ќе треба некој тип на соработка со клиниката за радиотерапија и онкологија“.
И додека борбата за за навремена терапија и системски промени на онколошките пациенти продолжува, скандалот за случајот со онкологија влегува во судсница. Првото рочиште е закажано на 11-ти јули.
Судскиот процес ќе треба да утврди одговорност за лекувањето и злоупотребите со терапиите за кои обвинителството поднесе обвинителен акт против двајцата поранешни директори Нино Васев и Нехат Нухи како и против тројца онколози од клиниката. Паралелно како што веќе најави во 24 анализа државниот јавен обвинител можно е и отворање на нова истрага која би ги опфатила и тендерите и системот на јавни набавки на терапии и лекови.
Извор: 24vesti.mk
