ЖЕНЕВА (АА) – Обединетите нации (ОН) повикаа да се дозволи испорака на хуманитарна помош во Појасот Газа кој е под блокада, јавува Анадолу.
„ОН ги повикуваат сите страни и релевантни актери да ни овозможат пристап за да ја доставиме итно потребната хуманитарна помош за палестинските цивили во Појасот Газа“, изјави за Анадолу Јенс Лаерке, портпарол на Канцеларијата на ОН за координација на хуманитарните активности (OCHA).
Според податоците на агенцијата на ОН, бројот на раселени Палестинци во Газа се искачил на повеќе од 338.000 поради интензивираните израелски воздушни и артилериски напади врз блокираната палестинска енклава.
Паралелно со тоа, Агенцијата на ОН за помош на палестинските бегалци на Блискиот Исток (УНРВА) утринава соопшти дека половина милион луѓе престанале да добиваат витална помош во храна бидејќи агенцијата била принудена да ги затвори сите 14 свои центри за дистрибуција на храна.
