ОН објави шокантни податоци: Повеќе деца се убиени во Газа за четири месеци отколку за четири години во светот

Повеќе деца се убиени во Појасот Газа во четиримесечната војна со Израел отколку во четирите години различни конфликти ширум светот, изјави шефот на агенцијата на ОН за палестински бегалци (УНРВА).

„Вртоглаво. Бројот на убиени деца за само четири месеци во Газа, според извештаите, е поголем од бројот на убиени деца за четири години во сите конфликти ширум светот“, напиша гелералниот комеаср на УНРВА, Филипе Лазарини на X, осудувајќи ја „војната против децата“.

Staggering. The number of children reported killed in just over 4 months in #Gaza is higher than the number of children killed in 4 years of wars around the world combined.

This war is a war on children. It is a war on their childhood and their future.#ceasefireNow for the… pic.twitter.com/tYwSNHecpy

— Philippe Lazzarini (@UNLazzarini) March 12, 2024

Според ОН, 12.193 деца загинале во конфликти ширум светот од 2019 до 2022 година.

Израел претходно обвини 12 од 30.000 вработени во УНРВА за учество во смртоносниот напад на Хамас на 7 октомври, но Лазарини пред неколку дена изјави дека нема докази дека некој од вработените во агенцијата бил вмешан во нападот на Хамас врз Израел во октомври.

Тој оцени дека таквите обвинувања доаѓаат од израелската влада со цел да се спречи хуманитарната помош за палестинските цивили.