ОН: 500.000 Палестинци се раселени низ Газа откако Израел ги продолжи нападите

ИСТАНБУЛ (АА) – Околу 500.000 Палестинци се раселени низ Газа откако Израел ја продолжи офанзивата по прекршувањето на договорот за прекин на огнот со палестинската група Хамас, соопшти денес Канцеларијата на ОН за координација на хуманитарни прашања (OCHA), јавува Анадолу.

Израелската армија ги обнови нападите врз Газа на 18 март и покрај договорот за прекин на огнот и размена на затвореници од 19 јануари.

Од почетокот на нападите во октомври 2023 година досега во Газа убиени се најмалку 51.000 Палестинци, од кои повеќето жени и деца.

Во ноември минатата година Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант поради воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата за неговите постапки во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.