Основното јавно обвинителство Скопје поведе постапка против 28-годишен скопјанец кој беше приведен од полицијата по напад на неговата четиригодишна ќерка.
Според обвинителството, инцидентот се случил во семејниот дом во населбата Драчево. Додека мајката на девојчето приготвувала јадење, таа си играла со своите две сестри. Во моментот кога се качила на креветот во дневната соба за да ги земе играчките, осомничениот започнал да ја навредува и физички нападнал.
Според наодите, тој ѝ удрил неколку шлаканици по лицето, нанесувајќи ѝ набиеница на главата и огреботини на кожата од лицето а и се заканувал дека ќе ја убие.
Поради реална опасност осомничениот да го повтори насилството, со што би имало сериозни последици врз психофизичкиот развој и воспитувањето на децата во семејството. Дополнително, сведочењата упатуваат на тоа дека насилството не било изолиран инцидент – осомничениот подолго време покажувал агресивно однесување, обвинителството предложило мерка притвор.
Извор: 24vesti.mk
