Основното јавно обвинителство соопшти детали за синоќешната сообраќајна несреќа кај Табановце во која смртно настрада 49 годишна сопатничка во возило „фолксваген поло“ со кумановски сообраќајни ознаки кое се судрило со „фолксваген голф“ со скопски регистерски ознаки, а како причина се наведува тоа што најверојатно возачот на едното од возилата влегол на автопат во недозволена насока, информираат од обвинителството.
По овој судир, сопатничката од возилото со кумановски ознаки излчегла од истото по што на неа во тој момент налетало возило марка „опел инсигниа“ со српски таблици. Од овој удар жената се здобила со тешки телесни повреди од кои починала. За телото на починатата е наредена обдукција а за другите учесници во овој немил настан кои се со полесни повреди е наредено испитување на крв и урина.
Српските медиуми објавија дека во синоќешната сообраќајка кај Табановце учествувал рок музичарот Ѓорѓе Давид кој директно удрил во 49-годишната жена за која изјавил дека се шетала по автопатот. Тој за продукцијата „Гранд“ која ја пренесе неговата прва изјава по несреќата рекол дека било веднаш утврдено дека не бил во алкохолизирана состојба и дека возел со законски пропишаната брзина. Дека не очекувал да биде задржан во притвор зашто бил невин за инцидентот во кој загина една жена.
Извор: 24vesti.mk
