Од 1 јули се најавува враќање на евтината дневна тарифа, но и можно зголемување на ДДВ за струјата од 10 на 18 отсто

May 26, 2023
1 min read

Вицепремиерот Битиќи најавува дека се прават последните анализи и можно е од 1 јули да се врати евтината дневна тарифа, но и ДДВ за струјата да се зголеми од 10 на 18 отсто, но без притоа товарот да падне целосно кај граѓаните

Од 1 јули граѓаните најверојатно ќе имаат можност повторно да користат евтина дневна тарифа на електрична енергија, вели вицепремиерот за економски прашања Фатмир Битиќи.

Тој денеска во интервју за утринската програма на телевизија Телма рече дека се прават последните анализи за тоа дали може да се врати евтината дневна тарифа,

„Се прават последните анализи дали може да се врати евтината тарифа и таа најверојатно ќе биде вратена од 1 јули. Цената на електричната енергија ја утврдува Регулаторната комисија за енергетика преку соодветни параметри“,

рече Битиќи.

Враќањето на евтината дневна тарифа за електрична енергија не е единствената вест што ја најави Битиќи. Тој рече дека се прават анализи и можно е од 1 јули да се врати ДДВ за струјата од 10 на 18 отсто.

„Кога пред една и пол година донесовме мерка за ублажување на состојбите со енергетската криза, една од мерките беше намалување на стапката на ДДВ на 10 отсто. Тогаш најавивме дека таа постепено ќе се враќа на 18 отсто затоа што не сакаме да нанесеме штета на приходната страна во буџетот. Сега се прават последните анализи дали ќе остане на 10 отсто или ќе се врати на 18 отсто, без притоа товарот да падне целосно кај граѓаните“,

рече Битиќи.

Тендерот на почетокот на јуни го објавува „ЕВН хоум“, а ЕСМ доаѓа со предлог каква цена ќе понуди. На крајот на јуни, рече Битиќи, Регулаторната комисија за енергетика ќе може да ги дефинира новите цени за тарифите од 1 јули.

Во овој момент, според Битиќи, не може да има конкретен одговор каква ќе биде цената на струјата од 1 јули.

„Има уште месец и половина до тогаш, а тоа време значи многу во овој сегмент затоа што ние не зависиме само од домашното производство на електрична енергија. Зависиме од цените кои се движат на берзата. Тоа е процес, но мислам дека како што беше последната година и половина ќе биде исто, а одлуките ќе бидат донесени во полза на граѓаните за тие најмалку да ја почувствуваат кризата“,

рече Битиќи.  

Потпретседателот Битиќи истакна и дека по првпат во независноста сериозно се работи на Национална стратегија за развој која треба да го трасира патот по кој државата треба да се развива.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Руски нафта и гас не прекинаа да течат преку Украина

Следно

„Марка“ објави кога Белингам ќе потпише за Реал Мадрид

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop