Германија оцени дека неправилностите кои ги утврдиле меѓународните набљудувачи на парламентарните избори во Србија се неприфатливи за земја која претендира да се приклучи на Европската Унија
Доминацијата на претседателот во изборната кампањата во Србија, и покрај тоа што тој не бил кандидат на изборите, дала неправедна предност на неговата партија во текот на изборниот процес. Ова е еден од прелиминатните заклучоци на набљудувачката мисија на ОБСЕ и ОДХР за изборите во Србија кои се одржаа во неделата.
„Иако изборите беа технички добро организирани, тие беа одржани во политички и социјално поделен амбиент“,
рече Рајнхолд Лопатка, лидер на мисијата на ОБСЕ.
Според него, учеството на претседателот доминирал во изборниот процес, а употребата на неговото име на една од изборните листи, заедно со пристрасното медиумско известување, довеле до нерамноправна борба.
Според извешајот на ОБСЕ/ОДИХР, изборите во Србија се одржале во време на висока поларизација и интензивна конкуренција меѓу различни политички опции.
На крајот од кампањата беа изнесени бројни тврдења за заплашување и малтретирање на граѓански активисти, борци за човекови права и новинари.
„Околу 6,5 милиони гласачи се пријавени за учество на предвремените избори. Гласањето беше подготвено ефикасно и транспарентно. Често одржување на предвремени избори во последниве години ја поткопало довербата во демократските институции. Изборниот ден во целина помина без проблеми, но беа забележани низа процедурални пропусти, меѓу кои чести ситуации кога избирачките места беа преполни, нарушување на тајноста на гласањето и бројни примери на групно гласање“,
додаваат од ОБСЕ.
Оттаму велат дека доминацијата на претседателот во кампањата, и покрај тоа што тој не бил кандидат на изборите, на неговата партија и дала неправедна предност.
„Дополнително, претходните препораки за подобрување на механизмите за надзор и воведување ограничување на трошењето на изборната кампања останаа неодговорени, што ја намали транспарентноста и ги зголеми можностите за големи трошоци за кампањата, потенцијално поткопувајќи ги шансите на опозицијата“,
набљудувачите на ОБСЕ.
Но, како што е наведено во соопштението, има бројни проблеми кои треба да се решат, а на овие избори набљудувачите констатираа злоупотреба на јавните ресурси, отсуство на граница меѓу извршувањето на јавната функција и активностите во кампањата, барања и притисоци врз гласачи, како и купување гласови.
Претходно, Европската Унија (ЕУ) посочи дека нема да се произнесе во врска со изборите во Србија додека мисијата на Организацијата за безбедност и соработка во Европа и Канцеларијата за човекови права и демократски институции (ОБСЕ/ОДИХР) не ги презентираат прелиминарните изборни резултати.
Германија оцени дека неправилностите кои ги утврдиле меѓународните набљудувачи на парламентарните избори во Србија се неприфатливи за земја која претендира да се приклучи на Европската Унија.
Германското министерство за надворешни работи на социјалната мрежа „Икс“ вчера напиша:
„Србија гласаше, но ОБСЕ пријави случаи на неовластено користење јавни средства, заплашување гласачи и купување гласови. Тоа е неприфатливо за земја која има статус кандидат за членство во ЕУ“,
објави германското министерство за надворешни работи.
#Serbia has voted, but @osce_odihr reports misuse of public resources, voter intimidation and cases of vote buying. This is unacceptable for a country with EU candidate status.
— GermanForeignOffice (@GermanyDiplo) December 18, 2023
Според Флориан Бибер, познавачот на приликите на Западен Балкан извештајот на ОБСЕ/ОДИХР за изборите е јасен: 1. „Системските предности на владејачката партија создадоа неправедни услови“ 2. „пристрасност во медиумите, притисок врз вработените во јавниот сектор и злоупотреба на јавните ресурси“
@osce_odihr preliminary report on elecs in 🇷🇸 clear: 1. ‘the ruling party’s systemic advantages created unjust conditions.’ 2. ‘bias in the media, pressure on public sector employees and misuse of public resources’
— Florian Bieber (@fbieber) December 18, 2023
Извор: 360stepeni.mk
