Густ облак прав ја зафати Југоисточна Туркије денес значително намалувајќи ги видливоста и квалитетот на воздухот во турските области Мардин, Шанлиурфа, Ширнак, Адијаман и Сирт, јавува Анадолу.
Бурата, која донесе ситни честички од соседните сушни региони, започна во раните утрински часови и се засили во некои области, покривајќи ги возилата, зградите и историските објекти со дебел слој песок.
Во подрачјето на Артуклу во Мардин, прозорците, балконите и паркираните автомобили беа покриени со прав, а повремениот дожд се мешаше со честичките прав и се создаваше кал.
Локалните власти ги предупредија жителите, особено постарите, децата и лицата со респираторни заболувања да избегнуваат непотребен престој на отворено поради лошиот квалитет на воздухот. Експертите предвидуваат дека ветровите што носат прав ќе дуваат до четврток.
Во некои области слабите врнежи од дожд по бурата со прав создадоа каллив дожд, а автомобилите и улиците беа покриени со кал.
Извор: Anadolu Agency (AA)
