Фотографиите на својот фесјбук-профил ги објави кавадаречката телевизија КТВ и како што може да се види од нив во собраќајната несреќа учествувале две транспортни возила – комбиња и две патнички возила
Д-р Ратко Грков, началник на Итната помош на локaлната болница за телевизијата изјавил дека кај две лица смртта била констатирана на самото место, а тројцата повредени, откако биле транспортирани во Општата болница во Кавадарци, се префрлени во Клиничкиот центар во Скопје
Три екипи на кавадаречката Итна медицинска помош интервенирале на местото на тешката сообраќајна несреќа, која се случи утрово, а во која животите ги загубија две лица, а три се тешко повредени.
Ова за локалната ТВ КТВ го потврил началникот на Итната помош од болницата во градот, д-р Ратко Грков.
Според Грков, кај две лица смртта била констатирана на самото место, а тројцата повредени, откако биле транспортирани во Општата болница во Кавадарци, се префрлени во Клиничкиот центар во Скопје.
„Кај две лица лекарите констатираа смрт на самото место, а тројца повредени беа транспортирани во Општа болница Кавадарци, од каде се препратени во Клиничкиот центар“,
информира Грков.
Локалната телевизија на својот фејсбук-профил објави фотографии кои сведочат за страотната несреќа и нејзиниот обем.
Во несреќата, како штои и претходно беше соопштено, учествувале четири автомобили. Како што може да се види од фотографиите, станува збор за две транспортни возила – комбиња и две патнички возила.
Едно од товарните и едно од патничките возила со своите предни делови се наоѓаат надвор од коловозот. На двете страни од коловозот видливи се делови од возилата, како и траги од крв.
Поради сериозните оштетувања на возилата во извелкувањето на повредите инетревнирала и екипа на кавадаречката противпожарна служба.
Сообраќајната несреќа се случи рано утрово, на патот Росоман – Прилеп, во близина на местото викано Камен дол.
ИЗВОР: 360stepeni.mk
