Иако Жоан Лапорта гордо тврди дека финансиските проблеми на Барселона се минато, реалноста е поинаква. Според извештајот за економската година заклучена на 30 јуни 2025, каталонскиот клуб сè уште должи огромни 159,1 милион евра за неколку трансфери.
Најмногу е оштетен Лидс Јунајтед, кој по продажбата на Рафиња во 2022 година сè уште чека 41,9 милиони евра – повеќе од три години по трансферот. Севиља има побарување од 24,5 милиони евра за Жил Кунде, а Баерн Минхен уште 20 милиони евра за Роберт Левандовски.
И тоа не е сè – Манчестер Сити чека 13,3 милиони евра за Феран Торес, а Бетис треба да добие 8 милиони за Емерсон Ројал, кој одамна не е дел од тимот.
Барселона со одложени плаќања успеа да ја преживее најтешката финансиска криза, но долгот и понатаму ја гуши. Летово клубот повторно се соочи со проблеми при регистрација на фудбалери поради финансискиот фер-плеј.
Дополнително, шпанското обвинителство ги истражува некои од старите трансфери – особено оној на Малком, во времето на поранешниот претседател Бартомеу, за кои постои сомнеж дека биле фалсификувани договори.
Барселона – клучни трансфери со неплатени обврски:
Рафинја (2022): 58M + €9M бонуси
Жил Кунде (2022): 50M + €5M бонуси
Роберт Левандовски (2022): 45M + €5M бонуси
Феран Торес (2021): 55M + до €10M бонуси
Емерсон Ројал (2021): 9M (Бетис)
Извор: vecer.mk
