Објавен е огласот за закуп на „Македонско село“, од 1 јуни комплексот почнува со работа

January 29, 2025
1 min read

Продолжуваме со одговорно управување со државниот имот. Денеска во печатените медиуми објавен е огласот за избор на концесионер за комплексот „Македонско село“, кој се наоѓа на падините на Водно, блиску до селото Нерези, со цел комплексот повторно да почне да работи и се врати на туристичката и културната мапа на Македонија. Комплексот се состои од 12 автентични куќи, со простории каде се претставени македонските занаети, делови се користат како хотелски соби, а некои имаат и ресторантски дел, се вели во соопштението на СОЗР – Служба за општи и заеднички работи

Оттаму велат дека огласот е поделен на четири дела, односно постои можност различни концесионери да се пријават за закуп на поединечни сегменти на комплексот или за комплексот во целина. Почетната цена за закупнина на целиот комплекс изнесува 240.000 денари, а почетната цена на концесијата на поединечните делови е 44.529 денари, 49.868 денари, 54.839 денари и 91.575 денари.

На законски и транспарентен начин ќе биде одлучено кој во иднина ќе стопанисува со „Македонско село“. Изборот ќе се изврши по пат на електронско јавно наддавање, преку системот кој управува и оперира Министерството за финансии – Управа за имотно правни работи. Закупецот/закупците ќе имаат обврска да ги преземат сите потребни активности за оспособување на Комплексот за почеток со работа од 1.06.2025 година. Комплексот „Македонско село“ не функционира шест години, откако претходните концесионери се повлекоа поради финансиски загуби. Во меѓувреме, СОЗР редовно ги подмируваше трошоците за осигурување и обезбедување и практично досегашните финансиски загуби достигнаа сума од околу 350.000 евра. Веруваме дека со избор на нов концесионер, ќе придонесеме за развој на туризмот, ќе ја стимулираме локалната економија и ќе создадеме нови можности за вработување. Со обновата на комплексот „Македонско село“, ќе се создадат и услови за посети од туристи и домашни гости, што ќе ја зајакне туристичката инфраструктура и понуда во регионот, а истовремено ќе придонесеме и за презентирање на традиционалните македонски занаети, културното наследство и автентичната архитектура, додаваат од СОЗР.

ИЗВОР: kurir.mk

MARKETING

MARKETING

MARKETING

Претходно

Собраниската Комисија избра седум кандидати за АВМУ

Следно

Египет вели дека „нема да учествува во неправедниот чин“ за раселување на Палестинците

Latest from Blog

Алваро Мората со трансфер во Галатасарај

Напаѓачот на Милан, Алваро Мората се согласил да се пресели во Галатасарај, пренесува инсајдерот Фабрицио Романо. Според неговите информации, италијанскиот клуб има намера да го продаде Шпанецот, додека турската страна размислува за

ОЈО Скопје со детали за несреќата на „Партизанска“: Возел под дејство на алкохол, немал возачка дозвола и поминал на црвено

Основното јавно обвинителство Скопје поведе истрага и предложи мерка притвор за 20-годишникот кој вчера вечер со автомобил усмрти 22-годишна девојка на булеварот „Партизански одреди“ во Скопје. Изнесувајќи детали за несреќата, од обвинителството

Чибишев за ужасот на Онкологија и извештаите кои НЕ го оправдуваат Филипче: Граѓаните се чувствуваат јадосани

Не верувам дека менаџерите не добивале извештаи и не виделе што се случува на клиниката за Онкологија. Не верувам дека не направиле безброј консултации со надредените, со Министерство за здравство каде што

Претставникот на Трамп за Блискиот Исток вели дека обновата на Газа може да трае 10-15 години

ВАШИНГТОН (АА) – Претставникот на американскиот претседател Доналд Трамп за Блискиот Исток, Стив Виткоф, денес изјави дека обновата на Појасот Газа може да трае 10-15 години, нагласувајќи го огромниот степен на уништување
Go toTop