БЕРЛИН (АА) – Обилните врнежи од дожд во Јужна Германија предизвикаа големи поплави во покраината Баварија, јавува Анадолу.
Интензивните врнежи и силните ветрови во градот Нирнберг и неговиот околен регион предизвикаа значителна штета, има соборени дрвја и паднати ќерамиди, се вели во соопштението на полицискиот оддел на Мителфранкен.
Подрумите, подземните гаражи и голем број улици и подвозници се поплавени од надојдените води.
Неколку возила останаа заглавени во поплавените подвозници, а многу автомобили се блокирани на поплавените патишта.
Фотографиите објавени во локалните медиуми покажуваат како спасувачки тимови со чамци на надувување помагаат во итни случаи.
Во различни делови на Нирнберг имаше прекини на електричната енергија, а делумно е затворен и автопатот А73.
Германската железничка компанија „Дојче Бан“ пријави прекини во железничките услуги поради неповолните временски услови.
