СКОПЈЕ (АА) – Силни врнежи од дожд предизвикаа поплави во јужниот полски град Келце, каде што под вода се најдоа повеќе улици и делови од населбите, покажуваат снимките направени денес, јавува Анадолу.
Полската метеоролошка служба (IMGW) претходно издаде предупредување од највисоко, трето ниво, за повеќе региони во земјата, меѓу кои и Ополе, Шлеска и Малополска, поради очекуваните интензивни врнежи и грмежи.
Властите предупредија дека количеството на врнежи може да достигне до 120 литри на квадратен метар, со налети на ветер до 80 километри на час и појава на локализиран град, што може да предизвика прекини во електричната енергија и други нарушувања во секојдневното функционирање.
Извор: Anadolu Agency (AA)
