Њукасл сериозно ја следи ситуацијата со играчот од средниот ред на Манчестер Јунајтед, Коби Мејно, и размислува да тргне по него во јануарскиот преоден рок, пишува „ТокСпорт“.
Се шпекулираше дека Мејно очајно сака да си замине за да добие повеќе време за игра, но Манчестер Јунајтед летово го блокирал неговиот трансфер. Менаџерот на Њукасл, Еди Хау, е голем обожавател на играта на младиот Мејно и би можел да направи потег да го донесе во тимот за вториот дел од сезоната.
Соиграчите на Мејно се изненадени од тоа што Аморим немае доверба во англискиот играч од средниот ред, кој го постигна победничкиот гол против Сити во финалето на ФА Купот во 2024 година и го започна финалето на Европското првенство пред нешто повеќе од една година.
Извор: vecer.mk
