По скратена постапка пратениците денеска изгласаа нов рок за доизградба на автопатот Кичево-Охрид. Согласно новата рамка, тој би требало да се заврши до 31 декември 2026 година. Станува збор за шести анекс на договорот откако автопатот почна да се гради во 2014 година. Делницата долга 57 километри првично беше предвидено да чини 374 милиони евра, но по неколку анекси на договори и продолжување на роковите, неговата цена достигна околу 600 милиони. Министерот за транспорт, Благој Бочварски, денеска пред пратениците во Собранието рече дека законот не носи дополнителни финансиски импликации.
Аднан Ќаили
Извор: alsat.mk
