Уште четири селекции се пласираа на Европското првенство (ЕП) 2026 во ракомет, тоа се Грузија, Шпанија, Црна Гора и Фарски Острови.
Грузија на домашен терен ја победи Грција (29-26), додека Шпанците си ја завршија задачата на гостувањето кај Италија која ја добија со 33-29. Црногорците исто така со 33-28 славеа над Финска, додека најтешко минаа Фараните кои се намачија со Косово, но победија со 25-23.
На останатите мечеви, Холандија ја совлада Украина со 35-27, Србија на гостински терен минимално беше подобра од Летонија (27-26), Романија ја изненади Португалија (28-24), додека Израел славеше над Полска (33-31). Исто така Македонија ја победи убедливо Естонија (36-17).
Од претходно, учесници на ЕП 2026 преку квалификациите се Германија, Чешка, Унгарија, Португалија, Словенија, Хрватска и Исланд, бранител на круната е Франција, додека домаќини се Норвешка, Данска и Шведска.
Извор: kurir.mk
