Земјотресот бил на длабочина од 10 километри, со епицентар на 54 километри северозападно од градот Кахраманмараш
Нов силен земјотрес со јачина со магнитуда од 5,2 степени според Рихтеровата скала е регистриран денеска во централниот дел на Турција, јавува новинаската агенција Ројтерс, повикувајќи се на Европско-медитеранскиот сеизмолошки центар (ЕМСЦ).
Земјотресот бил на длабочина од 10 километри, со епицентар на 54 километри северозападно од градот Кахраманмараш.
Засега нема извештаи за штети или жртви.
Минатата недела Турција беше погодена од земјотрес со јачина од 7,8 степени според Рихтеровата скала, кој однесе голем број жртви и предизвика материјална штета и во Сирија. Како последица на земјотресот досега во двете земји се пријавени над 41 000 загинати, а илјадници други се повредени.
Според проценките на Обединетите нации, бројот на загинати во земјотресот би можел да надмине 50 000. Станува сѐ помалку веројатно дека спасувачите би можеле да најдат уште преживеани под урнатините
Извор: 360stepeni.mk
