Градоначалникот на Пехчево, Александар Китански синоќа пред полноќ објави нов повик на Кризниот штаб, преку кој ги повика сите доброволци повторно да земат учество, за целосна локализација и ликвидирање на пожарот.
-Доброволците утрово во 05:00 часот да бидат на зборното место на плоштадот Свети Петар и Павле, од каде соодветно ќе бидат упатени за понатамошна интервенција. Потребно е со себе да понесат лопати. Најстрого се забранува самоиницијативно одење да се гаси пожарот, се вели во повикот.
Пунктот за донирање на храна и вода сместен во просториите на Домот на културата во Пехчево и понатаму останува отворен за сите кои ќе сакаат да донираат намирници и вода за доброволците.
Дежурни екипи синоќа го контролираа теренот, со цел да не дојде до нови жаришта, на оние места каде пожарот беше изгаснат.
Извор: 24vesti.mk
