Од околу 20.000 домаќинства во Тетово кои се фактирирани за отпад, приближно 4.000 од нив се испратени на присилна наплата, тврди Ханс Рот, директор на компанијата за управување со отпад „Заубермахер“. Според него, тоа се случило бидејќи не можеле да ги најдат адресите, иако признава дека од месец во месец нивото на плаќања се зголемува и достигнало 65%.
„Не сакам да навлегувам во детали, но имавме проблем со точните адреси и имавме проблем да ги испратиме известувањата на адресите, па ги испративме на нотар. Имаме 20.000 домаќинства до кои испраќаме сметки или имаме околу 2.000 до 4.000 чии сметки сме ги испративме до дома, додека затоа доаѓам од Австрија и се трудам да не бидам многу изненаден“, вели Ханс Рот.
Го прашавме градоначалникот на Тетово, Биљал Касами, како е можно нотар да ја најде адресата на домаќинството, додека тоа не може да го направи поштарот кој доставува сметки.
„Исто така немам одговор дали може да ја најде нотарот, требаше адресата да се најде порано, а претходно кажав дека не може да има насилно плаќање преку нотарот доколку претходните постапки не биле во согласност со законот“, вели Биљал Касами.
Касами апелира до граѓаните да се обратат до Општинското претпријатие за да се реши проблемот со адресите, бидејќи во Тетово нема можност за бесплатна услуга за отпад. Пред една година фирмата „Заубермахер“ го доби тендерот за управување со отпад во Тетово, додека минатата недела граѓаните се жалеа на ТВ21, посочувајќи дека биле испратени на присилна наплата и покрај тоа што претходно не добиле фактури. Од компанијата тоа го демантираа, велејќи дека известувањата и фактурите биле испратени навреме.
ИЗВОР: ТВ 21
