реклама
Македонската одбојкарска репрезентација, поддржана од НЛБ Банка, ќе го игра третото европско првенство по ред. Целта е јасна, пласман во втората рунда а сите веруваат дека „црено-жолтите“ ќе одговорат на предизвикот предводени од својата публика во СЦ „Борис Трајковски“.
„Би сакал да искажам благодарност до спонзорот НЛБ Банка што го препозна нашиот квалитет и застана зад нас во пресрет на ова големо натпреварување. Среќен сум бидејќи добро работевме, одигравме добри натпревари, немавме проблеми со посериозни повреди, па максимално подготвени влегуваме во ова европско првенство. Групата е тешка, јасно е дека Полска е прв фаворит, пред Холандија и Чешка. Данска и Црна Гора се наше ниво. Треба да влеземе позрело за разлика од претходните европски шампионати, да бидеме мудри, да имаме трпение и заедно со цела Македонија да се радуваме на една победа. Од името на играчите се заблагодаруваме на цела македонска јавност, ние живееме за ова, најмногу од сите ја посакуваме победата“, изјави капитенот Никола Ѓоргиев.
реклама
Македонската селекција го почнува настапот со дуел против Данска, а во нашата група се уште и Црна Гора, Полска, Холандија и Чешка. Селекторот Миленковски кажа дека очекува момците да дадат се од себе.
„Овие момци секој ден даваат се од себе, да ја претстават државата во најдобро можно светло. Ова е најголем настан на македонско тло, можност да ја претставиме нашата држава и нашиот спорт. Нашите желби секако се пласман во следниот круг, мислам дека го заслуживме тоа, но зависи и од противниците не само од нас. Потребна ни е поддршка од сите страни, пред се од навивачите, за да се претставиме во најдобро светло и да сториме се за да се пласираме во втората фаза. Ова е најважното, треба да го покажеме нашиот цврст карактер, борбата амбициите и да се спротивставиме на сите овие моќни репрезентации. Имаме сили за тоа, верувам дека по завршувањето на ова ЕП тоа ќе биде една нова историја за нашиот спорт“, изјави Миленковски.
реклама
Европското првенство се одржува во осум градови во Италија, Македонија, Бугарија и Израел. Домаќини покрај Скопје се уште и Рим, Болоња, Перуџа, Анкона, Бари, Варна и Тел Авив.
реклама
