Македонскиот актер Никола Ристановски доби Златна арена за споредна машка улога во хрватска малцинска копродукција на 72. издание на Филмскиот фестивал во Пула.
Ристановски, првенец на Македонскиот народен театар (МНТ) е награден за улогата во филмот „Меѓу боговите“ во режија на Вук Ршумовиќ. Актерката од истиот филм, Ферештех Хосеини доби Златна арена за главна женска улога.
„Меѓу боговите“ е хрватска малцинска копродукција, во партнерство со копродукции од Србија и од Италија.
Големата Златна арена за најдобар филм ја доби „Миротворец“ во режија на Иван Рамљак. Премиерата на филмот беше лани на Филмскиот фестивал во Сараево.
Во Македонија, ќе се прикаже на 4. издание на Фестивалот на медитерански и балкански филм „Преку езерото“ ќе се одржи од 7 до 12 август во Дојран.
ИЗВОР: sdk.mk
