Тикетот бил уплатен на продажно место на Лотаријата во Крањ, но добитникот, и покрај јавните повици, никогаш не се појавил.
Лотаријата објаснува сè
Дополнителен проблем е што огромната сума пари може да се подигне до четврток, 21 август.
„Доколку добитникот почека до последниот ден, ќе прилагодиме сè во врска со времето на плаќање“, соопшти Лотаријата на Словенија.
Бидејќи добивките значително надминуваат 2.000 евра, се применува посебна постапка, објавува 24ur.com.
„Плаќањето се врши на главната благајна на Лотаријата, на улицата Гербичева 99 во Љубљана. За подигање е потребно претходно известување по телефон (+386 1 24 26 175), најмалку еден ден пред посакуваниот датум на плаќање“, соопштија од таму.
Добивките се враќаат во фондот
Според правилата, доколку добитникот не ја подигне наградата во рок од 90 дена (од извлекувањето), износот се враќа во фондот за игри на среќа „Еуроџекпот“.
Во случај на исплата, најновиот милионер од Словенија ќе биде побогат за 31.742.801,29 евра, додека општината во која живее постојано ќе добие 5.601.670,81 евра.
„На некој во Словенија му се остварија соништата“, објави Лотаријата на својата веб-страница.
Извор: vecer.mk
