Неверојатно. Невидена доминација на еден клуб во својата земја, а основан е во 2023 година. Фудбалската сезона во Туркменистан, земја со 7,5 милиони жители во Централна Азија, заврши. Шампион е ФК Аркадаг трета година по ред, клуб основан во 2023 година и кој досега е шампион на Туркменистан во секоја сезона.
Она што е уникатно во оваа приказна е тоа што во трите сезони од првенството на Туркменистан, Аркадаг има резултат од 82 победи, 0 нерешени и 0 порази. Тие исто така ги добија сите 14 куп натпревари, што го носи нивниот резултат во Туркменистан на 96-0-0.
На прв поглед, ваквите бројки изгледаат сосема луди, но не е потребно многу истражување за да се заклучи зошто е тоа случај. Клубот е основан на 1 април 2023 година од страна на Гурбангули Бердимухамедов, човекот кој беше претседател на Туркменистан од 2006 до 2022 година.
Поради неговото авторитарно владеење, Бердимухамедов често се нарекува диктатор, а ова е поткрепено со фактот дека од 2022 година, претседател на Туркменистан е неговиот син Сердар, кој победи на изборите кои беа оценети како нефер и наместени. Гурбангули сè уште има големо влијание врз владата и врз својот син и е претседател на горниот дом на парламентот.
Бердимухамедов го основа Аркадаг непосредно пред почетокот на новата сезона, па трансферниот рок беше извонредно продолжен за Аркадаг да може да донесе играчи. Речиси сите најдобри играчи од Туркменистан се приклучија на клубот, а другите не можеа да се натпреваруваат со него, а покрај тоа имаше и сериозни обвинувања за местење натпревари.
Аркадаг би бил и сопственик на Гинисовиот рекорд за најдолга серија победи, но Гинис одбива да го признае тој рекорд поради сите горенаведени околности.
Извор: vecer.mk
