КУДС (ЕРУСАЛИМ) (АА) – Израелскиот премиер Бенјамин Нетанјаху вечерва го отпушти министерот за одбрана Јоав Галант и го замени со министерот за надворешни работи Израел Кац, јавија израелските медиуми, пренесува Анадолу.
Израелската радиодифузна корпорација објави дека Нетанјаху го информирал Галант за неговото отстранување од министерското место.
Според соопштението од Кабинетот на Нетанјаху, на местото на Израел Кац, за министер за надворешни работи, е назначен лидерот на Националната десница Гидеон Саар, за министер за надворешни работи.
Галант по повод разрешувањето на платформата X напиша: „Безбедноста на државата Израел беше и секогаш ќе биде мојата животна мисија“.
Израелскиот дневен весник „Једиот Ахронот“ објави дека Нетанјаху го известил Галант за неговото отпуштање само 10 минути пред официјалното соопштение.
Опозицискиот лидер Бени Ганц, исто така коментираше на X: „Политика на сметка на националната безбедност“.
Во меѓувреме, Јаир Голан, лидерот на Израелската демократска партија, преку Х ги повика граѓаните да излезат на улиците на протести по разрешувањето на Галант.
Израелскиот министер за национална безбедност, Итамар Бен-Гвир, ја пофали одлуката на Нетанјаху за разрешување на Галант, порачувајќи на X: „Му честитам на премиерот за одлуката да го отпушти Галант, премиерот направи добро што го отстрани од функцијата“.
Извор: Anadolu Agency (AA)
