Финишира предизборната кампања пред првиот круг претседателски избори, кој ќе се одржи во среда на 24 април. Неполна недела до првиот круг од претседателските избори, кандидатите продолжуваат со кампањата. Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на ново село, Босилово, Василево, а митинзи ќе одржи во Радовиш и во Струмица. Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево. Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола. Во Битола вечерва е и кандидатката за преседателка поддржана од Левица Билјана Ванковска, која пред тоа има средби со граѓани во Ресен. Кандидатот за претседател од ДУИ Бујар Османи е на средби со граѓани во тетовско, а кандидатот за претседател од коалицјата Вреди, Арбен Таравари е на средби со дијаспората.
Извор: 24vesti.mk
