АМСТЕРДАМ (АА) – Неколку лица се држат како заложници во зграда во градот Еде, во централна Холандија, соопшти полицијата, јавува Анадолу.
Голем број полицајци и противпожарни возила се испратени на местото поради земањето заложници во кафуле во Еде, Холандија.
Евакуирани се и стотици куќи во околината.
Луѓе во кафуле во градот Еде се земени како заложници, а инцидентот не бил од терористичка природа, се вели во соопштението на холандската полиција на платформата Х.
Полицијата побара од луѓето да се држат подалеку од центарот на градот и да не одат во близина на кафулето за да го гледаат инцидентот.
Околу 150 куќи во областа се евакуирани како мерка на претпазливост, а луѓето се евакуирани на безбедно место, се наведува во соопштението.
Полицијата соопшти дека тројца заложници биле ослободени рано утрово, но дека инцидентот сѐ уште трае.
Извор: Anadolu Agency (AA)
