Идејата за избор на претседател во Собранието не е нова, туку практична и функционална во некои држави од регионот, оценува политичкиот аналитичар Бесим Небиу во интервју за Алсат.
„Имајќи ги предвид овластувањата на претседателот, верувам дека тоа е и практично решение. Но, да одиме на етничко ниво, идејата носителот на една од трите главни функции, односно претседател, премиер и претседател на парламентот да биде од второто мнозинство како што најави г. Таравари и г. Ахмети, мислам дека е интересна идеја која може повеќе или помалку да го дефинира текот на кампањата која сега почнува“, рече Бесим Небиу, политички аналитичар.
Небиу оценува дека ДУИ била принудена да излезе со свој кандидат на овие претседателски избори со оглед на кандидатурата на албанските опозициски партии. Според него, незадоволството што оваа партија му го изразила на претседателот Стево Пендаровски во однос на законот за коцкање било само изговор.
„ДУИ беше горе-долу принудена да излезе со свој кандидат во овој претседателски циклус. Причината е кандидат поддржан од пет консолидирани партии, што во случај да даде голем резултат би создал психолошка и практична предност во кампањата што би ја пренел во атмосферата на денот на изборите по две недели, во вториот круг на претседателски избори но кој е прв круг од парламентарните избори. Тоа се многу поважни избори“, додаде тој./Алсат.мк
Фатлуме Дервиши
Извор: alsat.mk
