Историјата покажа дека кога Северна Америка и Европа работат заедно тоа е добитна комбинација, нашите противници тоа добро го знаат, изјави генералниот секретар на Алијансата, Марк Руте на Самитот на НАТО во Хаг. Членките на Алијансата остануваат обединети во најмоќниот одбранбен сојуз во светската историја, чија Член 5 од основачкиот документ кој предвидува дека напад врз еден сојузник претставува напад врз сите, што испраќа моќна порака, рече Руте.
Марк Руте – генерален секретар на НАТО: „Нашата трајна предност на членот 4, дека нападот на една членка е напад на сите, праќа силна порака. Сојузниците се обврзуваат да издвојуваат пет насто од својот БДП годишно за основни одбранбени потреби, како и за трошоци поврзани со одбраната и безбедноста. Сите сојузници се обединети во разбирањето дека треба да преземеме чекори за зајакнување на безбедноста. Доналд Трамп јасно стави до знаење дека САД се посветени на НАТО, но бара од европските членки и Канада да направат повеќе за воениот сојуз“.
На Самитот беа донесени историски одлуки за побезбедни граѓани, преку посилен, пофер и поборбен НАТО. Имаме конкретен план сите сојузници да потрошат пет отсто од БДП за одбрана – дел ќе се насочи кон основната одбрана, а дел кон инвестиции поврзани со одбраната и безбедноста, рече Руте. Предолго време еден сојузник – САД, носеше преголем дел од товарот на таа обврска. И тоа се менува, додаде генералниот секретар на НАТО. Беше донесена одлука и за дополнително зголемување на одбранбеното производството, со што на вооружените сили на НАТО ќе им биде обезбедено се што им е потребно и одлука за продолжување на поддршката за Украина.
Извор: 24vesti.mk
