ПРИШТИНА (АА) – НАТО многу сериозно ги сфаќа настаните во северниот дел на Косово и КФОР, предводен од НАТО, ги презема сите неопходни мерки за да осигури безбедно и мирно опкружување и слобода на движење за сите заедници во Косово, пренесува Анадолу.
„Посветеноста на КФОР, НАТО, спроведувањето на својот мандат според Резолуцијата 1244 на Советот за безбедност на ОН, непоколеблива е, како што се покажа со неодамнешното распоредување на 500 војници“, соопшти Оана Лунгеску, портпаролката на НАТО.
„Уште еднаш ги потсеќа сите страни на нивните обврски кон КФОР според Воено-техничкиот договор, вклучувајќи и почитување на административните гранични линии, процедурата за Косовската полиција и Договорот од 2013 година за распоредување на Косовските безбедносни сили во северниот дел на Косово“, наведе Лунгеску на социјалната мрежа Твитер.
Како што истакна Лунгеску, овие обврски се дизајнирани со цел да обезбедат координирана акција, да се избегне ескалација и да се сочува безбедно и мирно опкружување.
Претходно КФОР најостро ги осуди нападите на новинарите во северниот дел на Косово, додека ја извршувале својата професија.
„Слободата на медиумите и слободата на изразување се основните вредности кои мораме да ги почитуваме. Ги повикуваме сите страни да се воздржат од понатамошно насилство или акции кои можат да доведат до понатамошни ескалации и да се осигури медиумите да можат безбедно да ја извршуваат својата работа“, наведоа од КФОР.
Потсетија дека по инцидентот од 29 мај, кога во напади кои не беа неиспровоцирани, повредени се голем број мировници на КФОР, трупите на КФОР се распоредени околу зградите на општините во северниот дел на Косово за да се спречат понатамошни судири.
КФОР останува трет одговорен, а Косовската полиција останува одговорна за обезбедување на владеењето на правото низ Косово.
Исто така, командантот на КФОР е во редовен контакт со сите свои главни колеги, вклучувајќи ги и претставниците на институциите и безбедносните организации на Косово, како и со претставниците на војската на Србија, Мисијата на ЕУ за владеење на правото (ЕУЛЕКС), ОБСЕ и дипломатската заедница.
Извор: www.aa.com.tr
