Пожарникарите побараа локалното население да носи заштитни маски на лицето и да не ги отвора прозорците за да не се вдишува чад бидејќи дел од градежниот материјал во објектот што изгорен содржел азбест
Најмалку шест лица загинаа, а други се водат за исчезнати по пожар што се случи во хостел во Нов Зеланд.
Кровот на објектот се срушил поради што се стравува дека бројот на жртви може и да се зголеми.
Пожарот се случил синоќа по полноќ по локално време во градот Велингтон. Во акцијата на спасувачките екипи биле спасени најмалку пет лица, а едно завршило со сериозни повреди бидејќи за да избега од пламените јазици скокнало од третиот кат.
Кога пожарникарите пристигнале на местото на настанот, горниот дел од зградата веќе бил во пламен. Во текот на ноќта биле ангажирани најмалку 20 противпожарни возила за гаснење, а командантот на пожарникарите, Ник Пјат, го опиша случајот како „најлошиот кошмар“ што го имал Велингтон.
Пјат повика локалното население да носи заштитни маски на лицето и да не ги отвора прозорците за да не се вдишува чад бидејќи дел од градежниот материјал во објектот што изгорен содржел азбест.
Хостелот содржи 92 соби, а од 2011 година со одлука на Министерството за социјален развој на Нов Зеланд е прогласен за давател на итни сместувачки капацитети.
Извор: 360stepeni.mk
