ИСЛАМАБАД (АА) – Бомбаш самоубиец се разнесе денес во главниот град на Авганистан, Кабул, при што загинаа најмалку шест цивили, а неколкумина се повредени, јавува Анадолу.
Бомбашот бил пресретнат во близина на „безбедносниот контролен пункт на раскрсницата Малик Асгар во втората безбедносна зона во Кабул“ пред да стигне до својата цел, рече Калид Зардан, портпарол на полицијата.
„Шест цивили загинаа, а голем број луѓе, вклучително и тројца талибански војници, се повредени“, напиша тој на Твитер.
Авганистанскиот телевизиски канал „Толо њуз“ објави дека бомбата експлодирала на патот што води кон зградата на Министерството за надворешни работи.
Меѓународната хуманитарна група Emergency за каналот изјави дека примиле најмалку 12 ранети, меѓу кои и едно дете.
Авганистан беше сведок на повеќе самоубиствени бомбашки напади откако Талибанците се вратија на власт во август 2021 година, а одговорноста за повеќето од нападите ја презеде терористичката организација ДЕАШ.
Извор: www.aa.com.tr
