Градоначалникот Садови, во објава на неговиот канал Телеграм, посочи дека спасувачите трагаат по преживеани меѓу остатоците од станбена зграда
Најмалку четири лица се повредени, а 32 се повредени откако руска ракета утрово погоди станбена зграда во западниот украински град Лавов, соопшти украинското Министерство за внатрешни работи.
Градоначалникот на Лавов, Андриј Садови вели дека ова е „еден од најголемите напади“ врз цивилната инфраструктура на градот.
Тој објави видео на кое се гледаат скршени прозорци во погодената зграда, која изгледа дека има четири ката, а на снимката се гледаат и оштетени автомобили.
„Многу станови се оштетени – повеќе од 50“,
вели градоначалникот во кратката видео порака.
Садови, исто така, вели дека голем број покриви на згради биле однесени, а оштетени биле и едно училиште и студентските домови на универзитетот.
Градоначалникот Садови во објава на неговиот канал Телеграм посочи дека спасувачите трагаат по преживеани меѓу остатоците од станбена зграда. Тој рече дека улицата ќе остане затворена се додека работниците од итната помош не ги исчистат остатоците и не ги извлечат сите лица кои се под урнатините.
Регионалниот гувернер Максим Козитски вели дека во градот била погодена критична инфраструктурна установа, но, не даде детали.
„Главната цел на Русија е уништување на украинскиот народ. Но, ние ќе победиме“,
рече Козитски.
Украинскиот претседател Володимир Зеленски вети „конкретен одговор“ на рускиот ракетен напад врз станбен блок во градот Лавов, во западна Украина.
„Ова се последиците од полноќниот напад на руските терористи. За жал, има загинати и повредени. Дефинитивно ќе има одговор на акциите на непријателот. И тоа конкретни“,
рече Зеленски во објавата на каналот Телеграм.
Извор: 360stepeni.mk
