Најмалку 45 лица загинаа во сообраќајна несреќа во Кенија

НАЈРОБИ (АА) – Најмалку 45 луѓе загинаа вчера кога камион налета на неколку возила, пешаци и трговци на пазарот во западна Кенија, соопшти полицијата, пренесува Анадолу.

Несреќата се случи вчера навечер, на местото познато по несреќи, во близина на градот Лондијани, во долината Рифт, на околу 200 километри северозападно од главниот град Најроби.

Началникот на полицијата, Том Одера, изјави дека на местото на несреќата пронашле 45 безживотни тела, но се верува дека под остатоците на возилата има и други загинати.

„Сега е темница и врне дожд, па ќе ни треба време за да ја потврдиме точната бројка на загинати“, рече Одера.

Очевидците наведуваат дека камион излетал од главниот автопат и удрил во неколку возила, а потоа и во пешаци и трговци.

Полицијата соопшти дека спасувачките активности ќе продолжат и во текот на ноќта.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..