ГАЗА (АА) – Најмалку 18 Палестинци загинаа кога израелски воени авиони денес нападнаа куќа во централниот дел на Појасот Газа , соопшти палестинското Министерство за внатрешни работи, пренесува Анадолу.
„Нападот беше насочен на куќа во бегалскиот камп Нусеират“, се наведува во соопштението од Министерството.
Според зборовите на сведоците, израелскиот напад предизвика огромни разорувања во тоа подрачје.
Израел изврши воздушни и копнени напади на Појасот Газа по нападот на Хамас на 7 октомври.
Во израелските напади на Газа се убиени 10.569 Палестинци, 241 во само 24 часа, а меѓу убиените се и 4.324 деца и 2.823 жени.
