Најдобрата судиска двојка во ракомет „влечат“ корени од Кисела Вода

Славе Николов и Ѓорѓи Начевски своевремено беа прогласени за најдобра судиска двојка во светот, во изборот на Светската ракометна федерација (ИХФ).

Тие неодамна се вратија од Светското ракометно првенство каде го судеа финалето, пред тоа го судеа финалето на Африканското првенство, во 2021 финалето на Олимпијадата, а завршницата на Европското Првенство ја судеа пред две години, како еден континуитет на големите натпреварувања.

Вчера тие му беа гости на градоначалникот на Кисела Вода Орце Ѓорѓиевски. 

-Од мое лично и од име на жителите на општина Кисела Вода сакам да им честитам и да им се заблагодарам што достојно го веат македонското знаме секаде каде што судат. Статуетката во форма на клуч која денес им ја доделив има симболично значење. Клучот ја симболизира и поддршката од наша страна, на која овие ракометни судии можат секогаш да сметаат! Неа им ја доделуваме на нашите почесни граѓани, а тој епитет Николов и Начевски одамна го заслужија. Славе Николов е сѐ уште жител, а Ѓорѓи Начевски е пораснат во општина Кисела Вода и секогаш со гордост го истакнува тој факт, порача Ѓорчиевски.