„Голем број енергетски компании добија огромен неочекуван профит заради војната. Ние проценивме дека вредноста на тоа е над 200 милијарди долари.
Тие ги земаат овие пари затоа што ние се бориме, заради војната.
Мислам дека е фер овие пари да се поделат со Украина. За да се помогне обновувањето на енергетскиот сектор,“ изјавил Галушченко.
Сумата од 200 милијарди долари е често споменувана како вкупниот профит на петте најголеми компании (БП, Шеврон, Ексон, Тотал и Шел). Киевската школа за економија штетата врз украинската инфраструктура ја проценува на некои си 140 милијарди долари.
Како пример Галушченко ја навел литванската Игнитис груп која ветила дека околу 10% од својот профит ќе го даде за обновување на Украина.
Министерот порачал дека ако Западот сака да спречи „бескрајна војна“ тогаш треба да ги затвори сите дупки во санкциите кои и дозволуваат на Русија да продолжи да извезува нафта и гас, дополнувајќи дека сите тие пари чинат украински животи.
ИЗВОР: off.net.mk
