Катастрофални поплави во Шпанија. Повеќе од 60 лица загинаа а десетици се водат како исчезнати по поплавите кои го зафатија југоисточниот дел од земјата. Најтешко погодеи се регионите долж медитеранот, особено Андалузија, Мурсија и Валенсија.
Спасувачките екипи забрзано работат во обид да пронајдат преживеани додека лоокалните власти стравуваат дека бројот на мртви може да се зголеми.
„Практично сите главни патишта се отсечени, а исто така и споредните патишта. Кога велиме дека жителите не треба да ги напуштат домовите, тоа не е обична препорака, тоа е неопходност за да се гарантира безбедноста на луѓето кои се заглавени и на луѓето кои треба да одат за да ги спасат.“ – Пилар Бернабе владин делегат за регионот Валенсија.
Обилните врнежи кои непрекинато паѓаа во изминатите неколку дена предизвикаа лизгање на земјиштето во неколку области. Десетици села се отсечени од остатокот од земјата додека водата носеше мостови и влечеше автомобили по улиците. Воз кој превезувал речиси 300 патници со голема брзина излета од шините во близина на Малага. Покрај железничкиот, во прекин е и воздушниот сообраќај а откажана е наставата во многу училишта и универзитети… На помош испратена е и воена единица специјализирана за спасувачки операции која треба да им помогне на локалните служби.
„Куќата која се наоѓаше на почетокот на градот , исчезна во поплавата..Има најмалку две лица кои се исчезнати..Спасувачките служби не можат да ги лоцираат..“ – жител на Шпанија.
„Пред само неколку часа водата беше толку висока и ми стигнуваше до колена. Но предходно, немаше шанси да минете тука. Целиот мост беше под вода.“
Шпанската метеоролошка служба соопшти дека во градот Чива во близина на Валенсија наврнале речиси 500 милиметар дожд за само осум часа, количина која е еднаква на годишно количество дожд. Во регионот Валенсија е прогласен црвен метео аларм а втор највисок степен на тревога е на сила во Андалузија.
Извор: 24vesti.mk
