Дури 122 часа по првиот разорен земјотрес, под урнатините на зграда во јужна Турција е спасена 70-годишна жена. По долгите напори на спасувачките екипи, жената е извлечена од под урнатините и пренесена в болница
Над 24 000 лица загинаа како последица на катастрофалниот земјотрес со јачина од 7,8 степени по Рихтеровата скала, кој во понеделникот, на 6 февруари, ги погоди Турција и Сирија.
Според последниот биланс, само во Турција се пријавени 20 665 загинати, а во Сирија бројот на жртви достигна 3 553. Со тоа, вкупниот број на загинати сега се искачи на 24 208.
Во двете земји се повредени над 80 000 лица, а над еден милион луѓе останаа без покрив над главата.
И по повеќе од 120 часа од земјотресот, спасувачите се на терен во потрага по преживеани под урнатините.
Цели 122 часа по првиот разорен земјотрес, под урнатините на зграда во јужна Турција е спасена 70-годишна жена. По долгите напори на спасувачките екипи, жената е извлечена од под урнатините и пренесена в болница
Kahramanmaraş’ta depremde enkaz altında kalan 70 yaşındaki Menekşe Tabak, ekiplerin yoğun çabasıyla 122 saat sonra kurtarıldı pic.twitter.com/NtMTWQRDna
— ANADOLU AJANSI (@anadoluajansi) February 11, 2023
Турскиот потпретседател Фуат Окта изјави дека во последните 24 часа од под урнатините се извлечени 67 лица.
Во спасувачките и хуманитарните акции во двете земји се вклучени над 166 000 лица.
Турскиот претседател Реџеп Таип Ердоган призна дека одговорот на турските власти по големите земјотреси во југоисточниот дел на земјата не е толку брз како што сакала владата.
„Потресите погодија толку многу згради, што за жал не можевме да интервенираме толку брзо како што се надевавме. Во тој период можеби имаше пропусти, технички проблеми, но ние сме со нашето население со сите наши ресурси“,
рече Ердоган.
По првиот земјотрес од 7,8 степени кој во понеделникот ги погоди југоисточна Турција и северна Сирија, беа регистрирани 1 891 последователни потреси.
Извор: 360stepeni.mk
