ИСТАНБУЛ (АА)
Претседателот на Туркије, Реџеп Таип Ердоган, во своето обраќање пред дипломците на 12-тата генерација на Здружената команда и 6-тата генерација на Командна и штабна обука на Воените институти при Универзитетот за национална одбрана изјави дека денес ја споделуваат радоста на дипломирање на вкупно 181 офицер, од кои 54 потекнуваат од пријателски и братски земји, известува Анадолу.
Во својот говор претседателот Ердоган се осврна на ситуацијата во Појасот Газа и израелската политика на Нетанјаху за окупирање на територии, велејќи:
„Сѐ додека Израел ја бара сигурноста со окупација на повеќе територии, ниту една земја во нашиот регион, вклучувајќи ја и Туркије, не може да се чувствува 100% безбедна.“
За активностите на Самитот на НАТО што изминатите три дена се одржа во Вашингтон по повод 75- годишнината од основањето на алијансата, Ердоган посочи дека на средбите во Вашингтон на соговорници на Самитот на НАТО многу јасно им ставиле до знаење дека треба да се изврши поголем притисок врз Владата на Израел.
Претседателот Ердоган зборуваше и за антитерористичке активности на Туркије на својата јужна граница, порачувајќи: „Туркије наскоро ја ‘затвора бравата’ во зоната на антитерористичката операција ‘Канџа’ во северен Ирак“.
Пред годишнината од неуспешниот обид за воен удар што терористичката органзиација на Фетула Ѓулен (ФЕТО) се обиде да ја спроведе во Туркије на 15 јули 2016 година, Ердоган рече дека во земјата во голема мерка се исчистени институциите, особено безбедносните единици, од терористите на ФЕТО кои тајно се инфилтирале во текот на изминатите 40 години.
Извор: Anadolu Agency (AA)
