ЕРУСАЛИМ (АА) – Словенија официјално побара исклучување на Израел од Изборот за песна на Евровизија 2025 година, објавија израелските медиуми во саботата, известува Анадолу.
РТВ Словенија испрати писмо до Европската радиодифузна унија (ЕБУ) во кое бара на Израел да му се забрани учество на Изборот за песна на Евровизија што ќе се одржи во Базел.
Барањето е поднесено поради израелските напади врз Појасот Газа кои траат од 7 октомври минатата година, а во кои се убиени повеќе од 45.200 Палестинци, главно жени и деца.
РТВ Словенија, во случај нивното барање да не биде прифатено, донесе одлука да се повлече од Евровизија или, што е спротивно на правилата на тоа натпреварување, да го исклучи преносот за време на настапот на израелскиот претставник.
Претседателката на Словенија, Наташа Пирц Мусар, на 19 декември изјави дека грубо се прекршува Повелбата на Обединетите нации со војната на Израел во Газа и на Русија во Украина.
„Нема разлика меѓу Израел и Русија. И двете грубо ја кршат Повелбата на Обединетите нации и хуманитарното право. Израел уште повеќе и тоа во поголем обем“, додаде Пирц Мусар.
Извор: Anadolu Agency (AA)
