СЕУЛ (АА) – Роботите полицајци на Меѓународниот аеродром „Чанги“ во Сингапур потсеќаат на научно-фантастичните филмови, пренесува Анадолу.
Во соопштението на Полициските сили на Сингапур се наведува дека роботите полицајци по тестирањето кое траело 5 години, можат да служат на високо ниво.
Покрај тоа, роботите полицајци кои патролираат на аеродромот делуваат како дополнителна испомош за безбедносните сили и вклучени се во инвентарот на полицијата на Сингапур.
Во соопштението се нагласува дека употребата на роботите во полицијата постепено ќе се зголемува во целата земја.
Се истакнува дека роботите полицајци не се само за претстава, туку можат да ги предупредуваат луѓето околу себе со сирени и звучници сѐ до пристигнувањето на „вистинските полицајци“.
Роботите полицајци, чија висина надминува 2,3 метри, имаат визуелен надзор од 360 степени.
Патниците на аеродромот рекоа дека роботите полицајци ги потсеќаат на научно-фантастичните филмови.
Извор: www.aa.com.tr
