Без струја и храна за децата остана градинката „Пранвера“ во Добри дол, Врапчиште. Министерството за социјална политика ја обвинува општината дека намерно ја прекинала струјата и го земала возилото кое доставувала храна.
„…со земање на возилото за дистрибуција на храна, вршат тешка повреда на нивните овластувањата на штета на нивните најмлади жители на општината – децата. За иронијата да биде уште поголема, денеска на 10 февруари 2025 година, по налог на Општината, во главната зграда на градинката во село Врапчиште, која е составен дел на училиштето, беше исклучено парното и струјата на температура од -5 степени. Покрај сериозното прекршување на законот, градоначалникот на Врапчиште со својот последна постапка ги прекрши и правата на децата од Конвенцијата за правата на детето“.
Но, дали ова се случува затоа што Министерството за социјална политика и ги одзема ингеренциите на Општината? Градоначалникот на Врапчиште, Исен Шабани, негира одговорност, велејќи дека министерството незаконски ги презело ингеренциите и дека проблемот со струјата треба да го реши самото министерство.
„Сега слушам од вас. Немам ништо официјално дека има проблем со струјата и автомобилот, немам официјална најава дека е именуван нов директор. Точно е дека речиси 10 дена министерот ги добива ингеренциите да го именува директорот и останатите. За да не играм политика, министерот да го препознае проблемот со градинката, дека има недостиг од кадар, па да направи избор. Има прекршување на законот од страна на министерот, тој незаконски ги презел овластувањата и повторно направил прекршок со тоа што го поставил директорот со еден од воспитувачите. Сега треба да го прашате министерот како ќе управува со таа градинка“, вели Исен Шабани.
Во меѓувреме назначената директорка од Министерството вели дека не се знае дали утре ќе има струја или не.
„Утрово имаме објекти, еден во Врапчиште и Добри дол и утрото ме известија дека во Добри дол нема струја и децата ги испративме дома бидејќи беше -5 степени. Овде во Врапчиште пред малку ни ја исклучија струјата, сега имаме, но ни рекоа пак ќе ја исклучат. Ќе преземеме мерки децата да имаат право на образование, а тоа ќе го реши Министерството за труд и социјална политика“, вели Турќан Салији.
Сè додека општината и Министерството за социјална политика не изнајдат решение, ситуацијата останува нејасна.
ИЗВОР: ТВ 21
