Уште една недела им остана на кандидатине за лидер на СДСМ да го убедат членството дека тие се вистинскиот избор за лидер на партијата. Венко Филипче, Јован Деспотовски, Славјнка Петровска и Александар Баједвски на секојдневни средби низ градовите во Македонија во битка по гласови.
Враќање на внатрепартиската демократија и прекин на влијанијата на централата во Скопје побарале членовите во Тетово и Гостивар. Филипче пак оттаму порача дека привилегирани поединци на сметка на запоставување на мнозинството членови нема да има, според него партијата мора да ги штити членовите и да ги вреднува сите подеднакво.
– Не смее да се дозволат привилегии на поединци на сметка на запоставување на мнозинството. Недозволиво е мал број луѓе да го окупираат времето на цело раководство и затоа ќе направиме систем во кој секој ќе може да има пристап и глас. Ова доликува на демократска партија која е свесна дека кредибилитетот го добива пред сè од своите членови. – изјави Венко Филипче кандидат за претседател на СДСМ.
И додека Филипче ги породложува средбите со членови на СДСМ во Битола и битолско, неговиот против кандидат Јован Деспотовски денеска го повикува членството на средба и директна комуникација преку социјалната мрежа Фејсбук. Тој порачува и дека изборот на Ковачевски не смее да се повтори, бидејки бил фатен за рака и седнат на лидерското столче.
– Луѓето едноставно велат се додека тие луѓе се во таа зграда, јас не влегувам и не учествувам во ништо. Затоа начинот на којшто беше поставен Димитар Ковачевски во 2021 не смее да ни се повтори. На сите им е јасно дека процесот беше сѐ, само демократски отворен не. Малтене го земаа за рака и го седна. Против тоа ќе се борам и се борам.“ – рече Јован Деспотовски- кандидат за претседател на СДСМ.
Славјанка Петровска пак вели дека таа не е ничија продолжена рака и дека зад неа не стои поранешен претседател, според сo тоа таа е во предност.
– Јас немам багаж, зад мене не стои ниту еден поранешен претседател затоа што не сакам да сум ничија продолжена рака и затоа сум во голема предност пред другите кандидати, немам багаж, а имам интегритет, не правам компромиси за непринципиелни коалиции, не сум бизнис ориентирана и ќе направам се за СДСМ да успее. – вели Славјанка Петровска кандидат за лидер на СДСМ.
Додека Александар Бајдевски смета дека на партијата и е потребно враќање на корените на основните социјалдемократски вредности.
Извор: 24vesti.mk
