Доколку Македонија ги исполни еколошките стандарди, тогаш земјава ќе увезува отпад од Европската Унија, но не комунален туку неопасен отпад, кој што подоцна ќе се преработува и извезува, а со тоа државата и ќе профитира, објаснуваат од Министерството за животна средина и просторно планирање за ТВ 24.
Мазневска дополнува дека Македонија веќе има искуство со ваков неопасен отпад и ваквите метали се преработуваат во индустриските капацитети, кои што поседуваат соодветни еколошки дозволи.
До октомври следната година ќе се знае дали Македонија ќе биде една од земјите која ги исполнува условите за преработка на отпадот без да се загрози животната средина, информираат од министерството.
Инаку, станува збор за увоз на 18 видови неопасен отпад, кој што деновиве предизвика бурни реакции од страна на еколошките здруженија и од опозициската СДСМ, која што пак вчера побара селекција на домашниот отпад, наместо да се увезува туѓ.
Извор: 24vesti.mk
