Ова е и начин да ги демантираме пласираните лажните вести дека сторителот на ова дело е припадник на МВР. Воедно, ги повикуваме сите граѓани доколку го забележат ова лице, имаат какви било сознанија за него или корисна информација која може да помогне во истрагата што СВР Тетово ја води во координација со јавен обвинител, веднаш да ја известат најблиската полициска станица или да пријават на телефонските броеви 192 или 112 – пишува во соопштението на МВР
Министерството за внатрешни работи (МВР) објави фотографија од човекот што го веел знамето со „голема Албанија“ на плоштадот во Тетово при посетата на косовскиот премиер Албин Курти пред точно една недела.
„Во врска со кривичноправниот настан од 11.8.2023 г. на Градскиот плоштад во Тетово, за кој во изминатите денови беа пласирани и бројни дезинформации и шпекулации, МВР ја информира јавноста дека на фотографијата обезбедена од полициските служби е лицето што го вееше знамето со т.н. ‘голема Албанија’“,
соопшти МВР.
Полицијата повика – ако некој го забележи или има информации за него, веднаш да извести во најблиската полициска станица.
„Ова е и начин да ги демантираме пласираните лажните вести дека сторителот на ова дело е припадник на МВР. Воедно, ги повикуваме сите граѓани доколку го забележат ова лице, имаат било какви сознанија за него или корисна информација која може да помогне во истрагата што СВР Тетово ја води во координација со јавен обвинител, веднаш да ја известат најблиската полициска станица или да пријават на телефонските броеви 192 или 112“,
повикаа од МВР.
Инаку, посетата на косовскиот премиер Албин Курти се случи во петокот, пред точно една недела. Во Општина Чаир, Курти присуствуваше на преименување на улицата „Втора македонска бригада“ во „Адем Демачи“. Во Тетово, пак, беше пречекан со речиси целодневни активности и со настан на градскиот плоштад на кој, меѓу другото, се вееше знаме со картата на т.н. „голема Албанија“. Во Тетово Курти го пречекаа градоначалникот и лидер на Движењето БЕСА, Биљал Касами, претседателот на Алтернатива, Африм Гаши, и претседателот на новоформираното Демократско движење, Изет Меџити. Непочитувањето на државните симболи резултираше со прекршочни пријави за градоначалниците на општините Чаир и Тетово, Ганиу и Касами.
Настанот силно ја разбранува јавноста, а власта и опозицијата со денови се расправаа чија е одговорноста за случувањата во Чаир и во Тетово.
ИЗВОР: 360stepeni.mk
