Музејот V&A во Лондон објави конкурс меѓу обожавателите на американската поп-ѕвезда Тејлор Свифт, за функцијата официјален советник во музејот на пејачката.
Музејот сака да ангажира обожавател на пејачката кој би можел да даде стручен увид во културата на обожавателите и предметите што нејзините приврзаници ги собираат и создаваат, објави Би-Би-Си.
Институцијата е особено заинтересирана за рачно изработени предмети и нараквици за пријателство. Фановите на 14-кратната добитничка на Греми често разменуваат нараквици за пријателство на нејзините настапи и концерти.
Музејот, кој е специјализиран за уметност, дизајн и перформанс уметност, сака да именува некого пред 34-годишната американска поп-ѕвезда да ја започне европската етапа на нејзината турнеја Ерас подоцна оваа година.
Заинтересираните фанови можат да ги поднесат своите апликации преку веб-страницата V&A, а на избраните ќе им биде исплатена одредена цена по изложба.
Извор: kurir.mk
