Катастрофални се условите во студентските домови низ Македонија. Најлоша е состојбата во скопскиот студентскиот дом Пелагонија кој во минатото бил еден од подобрите, таму топла вода нема со месеци, храната лоша, дисфункционални лифтови, ниту пак институцијата има директор откако последниот си дал оставка а во меѓувреме не е назначен нов, па нема кој да ги средува наталожените работи, и среди маките на идните академски граѓани.
Денеска министерката за образование Јаневска со најава за експресно решение за два до три дена на условите кои се под секое човечко достоинство.
Дека состојбата во Пелагонија е алармантна ја потврдуваат и студентите, вчера пред медиумите го искоментираа и овој проблем меѓу останатите, за топла вода се снаоѓаат со греење во тенџере. Наместо да бидат насочени кон една цел надоградба на своето знаење и борат за подобар просек, реалноста ги тера тие да имаат паралелна борба за добивање на достоинствен стандард.
Во предизборие сите ветуваат дека ќе има нови студентски домови, реконструкција на постоечките по најсовремени стандарди. Според последните ветувања на актуелната влада над 18 милиони евра се планираат за реконструкција два студентски домови во Скопје – „Кузман Јосифовски- Питу“ и „Стив Наумов“. Се ветуваше и студентски град во Скопје, но речиси осум години нема ни трага од него.
Извештаите од ревизија констатираат дека студентските домови не ги задоволуваат условите на современото живеење, како и значително намалување на сместувачките капацитети во сите домови. Во периодот 2019-2022 година, односно од 5.812 легла на 4.490 во 2022 година.
Од јануари пак ќе се знае дали мерката студентски оброк ќе биде зголемена на 160 денари, и се разгледува опцијата за проширување на оптегот имено и оние студенти кои работат на скратено работно време и сѐ уште не постигнале одредена сума да можат да ја користат оваа мерка.
Извор: 24vesti.mk
