Момчињата ранети во пукањето кај Штрпце се во добра состојба, прекината блокадата на патот

Двете српски момчиња беа ранети без причина, а според соопштението на Канцеларијата за Косово и Метохија на Владата на Србија, во моментот на нападот децата се движеле покрај патот и носеле бадниково дрво кога напаѓачот отворил оган врз нив. Нападот го осудија и Белград и Приштина

Момчињата Стефан Стојановиќ (11) и Милош Стојановиќ (21), кои вчера беа ранети во Готовуша кај Штрпце кога локален Албанец пукал во нив од возило во движење, се добро и се опоравуваат. Напаѓачот е уапсен.

Србите ги прекинаа протестите и блокадата на патот Урошевац-Штрпце кај селото Готовуша, по разговорот со претставници на локалната власт и ветувањето на полицијата дека повторно ќе постават контролни пунктови.

Косовската полиција синоќа соопшти дека е уапсен 33-годишен маж, осомничен дека пукал и повредил две деца во близина на Штрпце. Министерството за одбрана на Косово соопшти дека приведениот е припадник на косовските безбедносни сили.

Двете српски момчиња беа ранети без причина, а според соопштението на Канцеларијата за Косово и Метохија на Владата на Србија, во моментот на нападот децата се движеле покрај патот и носеле бадниково дрво кога напаѓачот отворил оган врз нив.

Нападот го осудија и Белград и Приштина, како и претставници на ЕУЛЕКС, ОБСЕ и Европскиот парламент.